Maanso: Alepo

-
Maanso: Alepo


Maansadan waxaan alifay xili ay dalka syria ay dagaalo ba'an ka jireen, waxaana kusoo hadal-qabsaday wiil aan saaxiibo nahay oo Cabdifitah la dhaho.
Erayada maansada sidan ayey udhacayaan;

Ma Abtirin cabdow waayadan, 
Ereygii maanso'e.
Alifkii ka tagayoo, 
Geesmaray aaladiiye.
Balse waxaan aamusaba,
maantay waan afmaalayaaye,
Adkaysan waayoo hurdada,
waan asqaysnahaye,
Uurkaa idamqanaya,
Sidan aafaysnahaye,
Ehelkii suuriyiyo,
Aqrabadii Alepo (xalab) baa arkaa,
Oofaha la goynayee,
Xasuuqiyo ibtilaa ka socota,
Aleyl iyo maaline,
Unuunka la jarayaa,
Ubax caruurtii dheh,
Umal baa uwada suran,
Amal hooyooyinkii dheh,
Looma aabayeelin gedi,
Asal sunigii dheh,
Ilmaa Hooraysa,
Albaabadii Idlib dheh,
Asad shiiciyo,
Gaalo Arxan la'baa,
Adhaxda gooyey halyeeyadiiye,
Umadiina qax loo igmayoo,
dacalada aduun aadeene,
Idin mee dunidii islaamikiyo,
Ummadii Muxamadeey,
Idin mee isirkii carabtiyo,
Usradii khalijkaay,
Aadanaha kuwii udoodijiriyo,
idin mee aduunyadii kale'e,
Ana awood kale ma lihi,
Aan ereyga dhaafsanayne,
Hayeeshee uurkiyo qalbigaan,
Ablayda ka sidaa,
oo aan aag kaga jiraaye,
Illaahay baan beryaye,
Arligiinoo xasiliyo,
Kala irdhowgoo idin ka ba'a,
Dadkoo aaramiyo,
Dagaaladoo abyama,
Nabad iftiintiyo,
Alepo oo aflaxda.
insha Allah

Comments

Post a Comment

Popular posts from this blog

Maanso: Goblan Talo Aduunyooy.

-
Image
Maanso: Goblan Talo Aduunyooy. . waxaan rabaa inaan soo gudbiyo maanso ku saabsan aduunyada sida ay iila muuqato, maansadan waxaan tiriyey sanadkii 2015  erayada maansadana waa sidan; Goblan talo aduunyoy, ma aakhir gaba-gabiyo, asalkaagiyo aayihii, waxaad ayaamo ahayd, miyaa idlaadoo, eegan abyamay, mise amuuro dhowroo, weli kuu aasanoo, la abaarin baa jira, aniguse abla-ableeyoo, akhbaartaada guud, gun iyo baar u abtiriyey, Awal hore waxaad joogtiyo, aakhiru sabaanki weeyee, diinteenu adkaysoo, astaantaada guud baa, kitaabada ku astaysan, ibtilaa waxay tahay, faxshi lagu abaaboo, loo wada ardaa tag, uumiyuhu xishoon waa, aayadii Illaahiyo, axaadiistii maanace, xumaanti loo wada aroor, adoon is asqeeyiyo, daalin arxan la'baa uurkaaga jiifee, aadahaa is wada dilayoo, unuunka is wada jarayee, ablayda isu sida, cid amaan haysataa jirin. islaamkana ha sheegin, aroor walboo timaada, ilmaa hooraysoo, umal iyo dhibaatiyo , way kala irdhoobeen, balose waxay ahaatay, goortay aba...
Read more

Maanso: Qumantii Badweynta

-
Image
Maanso: Qumantii Badweynta Galab galbaha kamid ah baan aniga saaxiibkay  Abdifatah Abdiaziz Mohamud isu raacnay xeebta Liido ee Degmada Abdi-asis si aan nasiino yar iyo hawo fiicanba ugu soo qaadano. waxaanu tagnay mid kamid ah hotelada aagaas ku yaala, in cabaar markaan sheekaysanay waa iska galabe ayaanu shaah dalbanay, isla durbadiiba waxaa inoo yimid gabadh joog iyo jamaalba leh oo ixtiraam iyo weji furnaanta qalbiga jiiraysana ku darsatay, si aayar ayey dalabkii nooga qaaday adeegeenii si deg-deg ah baa naloogu keenay gabadha dhoola-cadeynteedii iyo soo dhawenteedi ayaaba wax loo dhigo lahayn wax kaleba daayoo, aniga iyo qof kasta oo halkaa joogayna inay iyada dalabka naga qaado ayaanu iska rabnay waa dareenka halkaas ka jiree. aniga shaqsiyan waan ogolaan waayey in gabadhaas ay dadka oo dhan adeeg ka qaado waayo ma mudnayn xaqiiqdii, doonistaydana ha iska ahaatee, waxay ila ahaatay in boqoradaas ay ahayd in iyada loo adeego. waxba yaan hadalka b...
Read more

Xog ku Saabsan Biyo-Xireenkii Baardheere.

-
Image
Biyo-Xireenka Baardheere iyo Mashruuca kaabayaasha Biyaha waxa uu ka koobnaa Biyo-xireen ujeedo badan laga lahaa kaas oo cabirkiisu ahaa qiyaas ahaan 600m oo dhirir ah iyo 75m oo joog ah si uu umaamulo qul-qulka biyaha Wabiga Jubba,sidoo kale in laga dhaliyo quwada korontada ee biyaha laguna xakameeyo daadadka ama fatahaadaha. Mashruuca waxa sidoo kale ku jiray dhismaha hanaan waraab iyo mid biyo-shuur ah kuwaas qiyaas ahaan loogu talagalay in laga hirgeliyo dhul dhan 5000 ha. _______________________________________________ Biyo xireenka waxaa laga rabay in laga hirgeliyo meel wabiga Jubba 35km dhanka sare ka xigta ee Magaalada Baardheere. Wabiga Jubba waxa uu kasoo samaysmaa ama ka imaadaa sadex ilo biyood kale kuwaas oo kale ah; Dawa, Genale iyo Weyb. Weyb iyo Genale way isku darsamaan iyagoo samaynaya Wabiga Jubba meel wuqooyiga Doolow ah ee gudaha Ethiopia halka Dawa uu Wabiga Jubba ku darsamo markii wax yar lasoo dhaafo xuduudka Somalia iyo Ethiopia. Wabiga Jubba waxa uu ku...
Read more